પાટણની શિવમ રેસિડેન્સીમાં રહેતા વિપુલ પટેલ નામના યુવકે રહસ્યમય સંજોગોમાં ગળે ફાંસો ખાઈ જિંદગી ટૂંકાવી

પાટણ શહેરના વાળીનાથ ચોક નજીક આવેલી શિવમ રેસીડેન્સીમાં રહેતા અને વ્યવસાયે શિક્ષક એવા વિપુલ પટેલ નામના યુવકે રહસ્યમયી સંજોગોમાં મોડી રાત્રે પોતાના ઘરમાં જ ગળે ટુંપો ખાઈને આપઘાત કરી લેતાં પરિવારને માથે આભ તૂટી પડ્યું છે.

મળતી માહિતી મુજબ પાટણ શહેરમાં આવેલ વાળીનાથ ચોક નજીક આવેલ શિવમ રેસીડેન્સીમાં વિપુલ ચિમનભાઈ પટેલ તેમની પત્ની પિનલબેન અને 7 વર્ષની દીકરી સાથે રહેતા હતા અને વ્યવસાયે શિક્ષક હતા. મોડી રાત્રી સુધી ઘરે તેઓએ ઘરે પેપર ચેક કર્યા હતા અને જ્યારે ઘરના બધા સભ્યો સૂઈ ગયા ત્યારે ઘરના અન્ય રૂમમાં જઈ તેઓએ પંખા સાથે વાયર બાંધી ગળે ટૂંપો ખાઈ લીધો હતો.

પોતાના પતિ પરત ના આવતાં પિનલબેને ઘરમાં તપાસતાં તેઓના પતિ પંખે લટકતા જોઈને ડઘાઈ ગયા હતા. તેઓએ તુરંત આસપાસના લોકો અને પરિવારજનોને જાણ કરી હતી પરંતું ત્યાં સુધીમાં વિપુલનું મોત નીપજી ચૂક્યું હતું.આ મામલે પાટણ શહેર બી ડીવીઝન પોલીસે અકસ્માતે મોતની નોંધ લઈ આપઘાત કરવા પાછળના કારણો જાણવા તજવીજ હાથ ધરી છે.

• 
  Patan : જેટકોના નાયબ ઇજનેરે કર્મચારીની પત્ની સાથે ત્રણ વાર દુષ્કર્મ આચર્યું
• 
  પાટણના ઉદ્યોગ સાહસિકનું મુખ્યમંત્રી ભુપેન્દ્રભાઈ પટેલના હસ્તે કરાયું સન્માન
• 
  દિયોદર માં ૧૦૮ની ટીમે સેવાની સાથે પ્રમાંણિકતાનું ઉત્તમ ઉદાહરણ આપ્યું
• 
  PM Kisan Samman Nidhi : ખેડૂતોને પ્રધાનમંત્રી કિસાન સન્માન નિધિનો લાભ ઘરે બેઠાં મળશે